گول گول
هادی قاراچای
آخشام کؤلگهسينين اوزونلوغوندا
داغدان ائنن درهيديمي
درهدهن قالخان داغايديمي
بيلمهديم.
دنيزدن ساحيله
اسن کولک ايديمي؟
کولک اسينتيسي ايديمي ساحيلدهن دنيزه
بيلمهديم.
گلدييين گؤردوم ده، گئتدييين.
آآخ عؤمور کاروانيم و سئوگي بوخچام
آيسيز گئجهلرين چييينلرينده
کؤچن کاروانيديمي
کاروان کؤچدويومو
بيلمهديم
يوْخسا
قارالميش اوْجاق باشيندا آغاران کول آغارتيسي؟!
گلدييين گؤردوم ده گئتدييين.
---
شعر باداملیقلار کیتابیندان گؤتورولوبدور. (آلما یولو)
|
+| یازیلیب seyid heydər bəyat در چهارشنبه دوازدهم فروردین 1388 و ساعات 4:22 |
