إدريس علوش

ادریس علوش، 1964 آفریقانین مغریب اؤلکه‌سین‌ده اصیله شهه‌رینده دونیایا گؤز آچیب. مغریب قزئته‌‌لرینده شعرلرینی و یازیلارینی یایارکن بیر ژورنالیسم کیمی ‌ده ایشله‌ییب‌دیر. علوش‌دان ایندی‌یه کیمی اوچ شعر توپلوسو یاییملانیب‌:

ایشیغین داریسقال‌لیغینا بیر قاش

1

اؤزومو آراماق اوچون

آدسیزلیغین قارشیدینی

بیر دانیجی بیلگین-ین اوجا سسینه احتیاجیم وار

و حقیقت تیکه‌لرینی ییغماغا بیر قلبیر...

و تورپاق‌لی ساعات‌لارین عقربه‌سی...

و سویوق سیررلرین چانتاسی...!

2

هرده‌ن اؤزومو تاپیرام

دون گئجه‌کی اوشاقلیغیم سایاغی

موطلق اؤزگورلوک‌له دولو

و بویالارین بایاضی‌لا...

3

غوربتین

اؤلوم قوخوسو وار

 غوربتین

یئر گئنیش‌لی‌یی وار

بارماقلاری اوجوندا

بو قبیر منیم‌دیر اونو بوراخمایاجام کسین

قونداق باغی

و کفنین کولو ایذین وئرمه‌یینجه

اوندان اوزاقلاشمایاجام

نه‌دیر سرخوشلوقدا آغلاسا بیر

آخشام چاغی لوتلویونه پئشمان

و سارایین اوست قاتین‌دا غوربت

و اوزگونلوک

سفر ویزاسینا یئریکله‌ییر

و دوغوم گونو یئمه‌یینه

و چؤلون قوینونا...

آردی اولاجاق

چئویرن: سید حیدر بیات

  RSS